News

வாங்கிப் படியுங்கள்... பரப்புங்கள்.........நடுநிலை சமுதாயம் - ............நமது பள்ளியில் கிடைக்கும் ...........மாத சந்தா செலுத்தியும் பெற்றுகொள்ளலாம்

Sunday, August 31, 2014

நபிவழியில் நம் ஹஜ் (பகுதி 2) - பெண்கள் மஹ்ரம் தக்க துணை அவசியம்



ஹஜ்ஜின் சிறப்புக்கள் 


ஹஜ் கட்டாயக் கடமையாக இருப்பதுடன் அதை நிறைவேற்றுவதற்கு ஏராளமான நன்மைகளும் கிடைக்கின்றன. 
அமல்களில் சிறந்தது எது? என்று நபிகள் நாயகம் (ஸல்) அவர்களிடம் கேட்கப்பட்டது. அதற்கு நபிகள் நாயகம் (ஸல்) அவர்கள் அல்லாஹ்வையும், அவனது தூதரையும் நம்புவதுஎன்று விடையளித்தார்கள். அதற்கு அடுத்தபடியாக எது? என்று கேட்கப்பட்டது. அல்லாஹ்வின் பாதையில் ஜிஹாத் செய்வதுஎன்றார்கள். அதற்கு அடுத்தபடியாக எது? என்று கேட்கப்பட்டது. அதற்கு நபிகள் நாயகம் (ஸல்) அவர்கள் ஒப்புக் கொள்ளப்பட்ட ஹஜ்என்று விடையளித்தார்கள். 
அறிவிப்பவர்: அபூ ஹுரைரா (ரலி) 
நூல்: புகாரி 26, 1519 
ஒரு உம்ராச் செய்து விட்டு மற்றொரு உம்ராச் செய்வது அவ்விரண்டுக்கும் இடைப்பட்ட காலங்களில் ஏற்பட்ட பாவங்களுக்குப் பரிகாரமாகும். ஒப்புக் கொள்ளப்பட்ட ஹஜ்ஜுக்கு சொர்க்கத்தைத் தவிர வேறு கூலி இல்லைஎன்று நபிகள் நாயகம் (ஸல்) அவர்கள் கூறினார்கள். 
அறிவிப்பவர்: அபூ ஹுரைரா (ரலி) 

நபிவழியில் நம் ஹஜ் (பகுதி 1) - முன்னுரை

அஸ்ஸலாமு அலைக்கும்  ரஹமதுல்லாஹி வ பாரக்காதஹு , பகுதி 1

சகோதரர் பி ஜே எழுதிய நபிவழியில் நம் ஹஜ் என்ற நூலில் இருந்து இங்கே நமக்கு கட்டுரை வாயிலாக தருகிறோம் .

நபிவழியில் நம் ஹஜ்
நூலின் பெயர்: நபிவழியில் நம் ஹஜ்
ஆசிரியர்: பீ.ஜைனுல் ஆபிதீன்
பக்கங்கள்: 72

விலை ரூபாய்: 14.00
நாடு, மொழி, இனம், நிறம், கோத்திரம், செல்வம், செல்வாக்கு ஆகிய அனைத்து வேறுபாடுகளையும் மறந்து உலக மக்கள் அனைவரும் ஒரு தாய் மக்கள்என்ற உணர்வுடன் கூடும் உலக மகா மாநாடு ஹஜ்.
வேற்றுமைகளை மறந்து ஒற்றுமையைப் பறை சாற்ற வேண்டிய புனித மிக்க ஆலயத்தில் கூட சிலர் அறியாமையின் காரணமாக வேறுபட்டு நிற்கும் கொடுமையைக் காண்கிறோம். மத்ஹபுகளின் பெயரால் ஒவ்வொருவரும் ஒவ்வொரு விதமாக ஹஜ் செய்யும் நிலையையும் காண்கிறோம்.
அணிகின்ற ஆடைகள் கூட ஒரே மாதிரியாக இருக்க வேண்டிய இடத்தில் வணக்க வழிபாடுகளில் வித்தியாசப்படுவதை விடக் கொடுமை என்ன இருக்க முடியும்?
நபிகள் நாயகம் (ஸல்) அவர்கள் எவ்வாறு ஹஜ் செய்வது என்பதை என்னிடமிருந்து கற்றுக் கொள்ளுங்கள்(முஸ்லிம் 2286) என்று கூறியதுடன் செய்து காட்டி விட்டும் சென்றுள்ளனர்.
நபிகள் நாயகம் (ஸல்) அவர்கள் இரண்டு மூன்று தடவை ஹஜ் செய்து ஒவ்வொரு தடவையும் ஒவ்வொரு விதமாக நடந்திருந்தால் வித்தியாசங்கள் ஏற்பட சிறிதளவாவது நியாயம் இருக்கலாம்.
ஆனால் நபிகள் நாயகம் (ஸல்) அவர்களோ ஒரு தடவை தான் ஹஜ் செய்தனர். அந்த ஹஜ்ஜை அவர்கள் எவ்வாறு செய்தார்களோ அந்த ஒரே விதமாகத் தான் நாம் அனைவரும் செய்தாக வேண்டும். அந்தப் புண்ணிய பூமியிலாவது ஒரே விதமாக வணக்கங்கள் புரிய வேண்டும்.

Sunday, August 24, 2014

தமிழகம் முழுவதும் ”தீவிரவாத எதிர்ப்புப் பிரச்சாரம்” நடத்த முடிவு!

தலைமை கழக செய்திகள்

இன்று (24-8-2014) திருச்சி தாஜ் திருமண மண்டபத்தில் தமிழ்நாடு தவ்ஹீத் ஜமாஅத்தின் மாநில செயற்குழு கூட்டம் நடைபெற்றது. இதில் தமிழகம் முழுவதும் இன்ஷா அல்லாஹ் 2014 அக்டோபர் மாதம் முழுவதும் ”தீவிரவாத எதிர்ப்புப் பிரச்சாரம்” நடத்துவது என முடிவு செய்யப்பட்டது.

10616106_10203315874510681_3305136165156910135_n
மேலும் பல்வேறு தீர்மானங்கள் நிறைவேற்றப்பட்டது.
மாநில செயற்குழு தீர்மானங்கள்
தீவிரவாத எதிர்ப்புப் பிரச்சாரம்
தீவிரவாதச் செயல்களில் ஈடுபடக்கூடியவர்கள் அனைத்துச் சமுதாயத்திலும் உள்ளனர். அது போல் இஸ்லாமிய சமுதாயத்திலும் சிலர் தீவிரவாதச் செயல்களில் ஈடுபடுகின்றனர். முஸ்லிம் சமுதாயத்தைச் சேர்ந்த சிலரின் இது போன்ற செயல்களை அதிகமான ஊடகங்கள் தனிப்பட்ட பயங்கரவாதிகளின் செயலாகக் கருதாமல் ஒட்டு மொத்த முஸ்லிம்களின் ஆதரவுடனும் அவர்களின் ஒத்துழைப்புடனும் நடத்தப்படுவதாக சித்தரிக்கின்றனர்.
இதன் காரணமாக ஒட்டு மொத்த இஸ்லாமிய சமுதாயமும் தீவிரவாத சமுதாயமாக, முஸ்லிம்கள் அனைவரும் தீவிரவாதிகளாக பொது மக்கள் கருதும் நிலை ஏற்பட்டுள்ளது. ஒவ்வொரு பயங்கரவாத நிகழ்வின் போதும் எல்லா முஸ்லிம் இயக்கங்களும் அதை வன்மையாகக் கண்டித்து அறிக்கைகள் விடுகின்றனர். பள்ளிவாசல்களில் இதைக் கண்டித்து உரைகள் ஆற்றப்படுகின்றன. முஸ்லிம் சமுதாயத்தின் பிரமுகர்கள் இதற்காகக் கவலைப்படுகின்றனர்.

Friday, August 22, 2014

சூனியம் பற்றிய விழிப்புணர்வு பொதுகூட்டம்

சூனியம் பற்றிய விழிப்புணர்வு பொதுகூட்டம் 

அஸ்ஸலாமு அலைக்கு ரஹமதுல்லாஹி வ பாரக்காதஹு 


அன்பார்ந்த சகோதர சகோதரிகளே ,சூனியம் பற்றிய விழிப்புணர்வு பொதுகூட்டம் வருகின்ற 23-08-2104 அன்று திருச்சியில் நடைபெற இருக்கின்றது. சூனியத்தின் மீது நம்பிக்கை இருக்கிறது என்று சொல்லும் மாற்று மத சகோதரர்களை இந்த பொதுகூட்டத்திற்கு  அழைத்து வாருங்கள் , 

இன்ஷாஹ் அல்லா , அனைவரும் பயன் பெறட்டும் .



இடமாற்ற_அறிவிப்பு:
பீ.ஜைனுல் ஆபிதீன்,சம்சுல்லுஹா ரஹ்மானி அவர்கள் பங்கேற்கும்
மாபெரும் மார்க்க விளக்க பொதுக்கூட்டம்(சனி கிழமை)
இடம்: சத்திரம்_பேருந்து_நிலையம்
தொடர்புக்கு: 

  • 9894022287,
  • 9842149834,
  • 9994015171,

அனைவரும் பகிரவும்.......

Sunday, August 17, 2014

உளூவின் சட்டங்கள் பகுதி 6 - உளூவை நீக்குபவை


உளூச் செய்த பின்னால் நம்மிடமிருந்து ஏற்படும் சில நிகழ்வுகளால் உளூ நீங்கி விடும்.

 அவ்வாறு நீங்கி விட்டால் மீண்டும் உளூச் செய்து தான் தொழ வேண்டும் என்று திருக்குர்ஆனும் ஹதீஸ்களும் கூறுகின்றன.

அவற்றைக் காண்போம்.

மலஜலம் கழித்தல் 

உளூச் செய்த பின் ஒருவர் மலம் கழித்தாலோ அல்லது சிறுநீர் கழித்தாலோ அவர் செய்த உளூ நீங்கி விடும். அவர் மீண்டும் உளூச் செய்த பின்பே தொழ வேண்டும்.
நம்பிக்கை கொண்டோரே! போதையாக இருக்கும் போது நீங்கள் கூறுவது உங்களுக்கு விளங்கும் வரை தொழுகைக்கு நெருங்காதீர்கள்! குளிப்புக் கடமையாக இருக்கும் போது குளிக்கும் வரை (தொழுகைக்காக பள்ளிவாசலுக்குச் செல்லாதீர்கள்! பள்ளிவாசல் வழியாக) பாதையைக் கடந்து செல்வோராகவே தவிர. நீங்கள் நோயாளிகளாகவோ, பயணிகளாகவோ இருந்தால் அல்லது உங்களில் ஒருவர் கழிவறையிலிருந்து வந்தால் அல்லது பெண்களை (உடலுறவு மூலம்) தீண்டினால் தண்ணீரைப் பெற்றுக் கொள்ளாத போது தூய்மையான மண்ணைத் தொட்டு உங்கள் முகங்களிலும், கைகளிலும் தடவிக் கொள்ளுங்கள்! அல்லாஹ் பிழைகளைப் பொறுப்பவனாகவும்,  மன்னிப்பவனாகவும் இருக்கிறான்.

பள்ளி படிப்பை விட்டவர்கள் -ஆன்லைனில் பள்ளிப் படிப்பு!


நீங்கள் பள்ளிப் படிப்பை சரியாகப் படிக்க முடியாமல் விட்டு விட்டோமே எனக் கவலைப் பட வேண்டாம்

பத்தாம் வகுப்பு,மேல்நிலை வகுப்புப் படிப்புகளை ஆன்லைன் மூலமாகவும்வீட்டில் இருந்தபடியே தொலைநிலைக் கல்வியின் மூமாகவும் படிப்பதற்கான வாய்ப்பினை வழங்குகிறதுநேஷனல் நேஷனல் இன்ஸ்டிட்யுட்  ஆப் ஓபன் ஸ்கூளிங்க்.

மத்தியஅரசின் மனிதவள மேம்பாட்டுத் துறையின்கீழ் இயங்கி வரும் அமைப்பு இது. பள்ளிப் படிப்பை இடையிலேயே விட்டுவிட்டவர்கள்

Saturday, August 16, 2014

உதவி தொகை

அஸ்ஸலாமு அலைக்கும் வ ரஹ்மத்துல்லாஹி வ பரக்காத்துஹூ,

பண்ருட்டியை சேர்ந்த ஏழை சகோதரிக்கு காலில்  கண்டறியப்பட்ட கேன்சர் புற்றுநோயின் சிகிச்சைக்காக  ,  வந்ததை பதிவிட்டு இருந்தது நினைவில் இருக்கலாம் ,

பார்க்க பதிவு :ஏழை சகோதரியின் (காலில் கேன்சர்) மருத்துவ செலவுக்கு உதவிடுவீர் .

இது சம்பந்தமாக ,நேற்றைய(15/08/2014) ஜும்மா தொழுகையில்  இந்த சகோதரிக்கு உதவ, நல்உள்ளங்கள் வழங்கிய சிறு தொகைகளின் மொத்த வசூல் ரூ 9000.00 .

இந்த தொகை அந்த ஏழை சகோதரியின் மருத்துவ செலவுக்கு ,

உளூவின் சட்டங்கள் பகுதி 5 - தயம்மும் சட்டங்கள்


தொழுகை நேரம் வந்து உளூச் செய்வதற்கான தண்ணீர் கிடைக்காவிட்டால் அல்லது தண்ணீர் கிடைத்து அதைப் பயன்படுத்த முடியாத நிலை இருந்தால் அதைக் காரணம் காட்டி தொழாமல் இருக்க முடியாது. மாறாக தூய்மையான மண்ணைப் பயன்படுத்தி உளூவுக்கு மாற்றுப் பரிகாரமான தயம்மும் செய்து அதன் பின்பே தொழ வேண்டும்.

நாங்கள் நபி (ஸல்) அவர்களுடன் பயணமாகப் புறப்பட்டோம். 'பைதா' என்ற இடத்தை நாங்கள் அடைந்த போது எனது கழுத்து மாலை அறுந்து விட்டது. அதைத் தேடுவதற்காக நபி (ஸல்) அவர்கள் அங்கே தங்கினார்கள். அவர்களுடன் மக்களும் தங்கினார்கள். அவர்களின் அருகில் தண்ணீர் இருக்கவில்லை. அவர்களிடமும் தண்ணீர் இல்லை. மக்கள் அபூபக்ர் (ரலி) அவர்களிடம் வந்து, '(உங்கள் மகள்) ஆயிஷா செய்ததைப் பார்த்தீர்களா? நபிகள் நாயகத்தையும் மக்களையும் தங்க வைத்து விட்டார். அவர்கள் அருகில் தண்ணீர் இல்லை. அவர்களிடமும் தண்ணீர் இல்லை' என்று கூறினார்கள். நபி (ஸல்) அவர்கள் தமது தலையை எனது தொடையில் வைத்து உறங்கிக் கொண்டிருந்த போது அபூபக்ர் (ரலி) வந்தார்கள். 'நபி (ஸல்) அவர்களுக்கும் மக்களுக்கும் தடங்கலை ஏற்படுத்தி விட்டாய். அவர்களருகிலும் தண்ணீர் இல்லை. அவர்களிடமும் தண்ணீர் இல்லை' என்று கூறி என்னைக் கண்டித்தார்கள். அவர்கள் எதைக் கூற வேண்டும் என்று அல்லாஹ் நாடினானோ அதையெல்லாம் கூறினார்கள். எனது இடுப்பிலும் தமது கையால் குத்தினார்கள். நபி (ஸல்) அவர்கள் என் தொடை மீது படுத்திருந்ததால் நான் அசையாமல் இருந்தேன். தண்ணீர் கிடைக்காத நிலையில் நபி (ஸல்) அவர்கள் காலைப் பொழுதை அடைந்தார்கள். அப்போது தான் தயம்மும் பற்றிய வசனத்தை அல்லாஹ் அருளினான். மக்கள் தயம்மும் செய்தனர். நான் அமர்ந்திருந்த ஒட்டகத்தை எழுப்பிய போது அதன் அடியில் என் கழுத்து மாலை கிடைத்தது. 
அறிவிப்பவர்: ஆயிஷா (ரலி)
நூல்கள்: புகாரீ 334, முஸ்லிம் 550

தயம்மும் பற்றிய வசனம் திருக்குர்ஆனில் இரண்டு இடங்களில் உள்ளது. அதைத் தான் ஆயிஷா (ரலி) அவர்கள் இங்கே குறிப்பிடுகின்றார்கள். அந்த வசனங்கள் வருமாறு:

Friday, August 15, 2014

2013 பெருநாள் தொழுகை

2013 பள்ளி கட்டுவதற்கு முன் நடந்த பெருநாள் தொழுகை அன்று எடுக்கபட்ட புகைப்படம்



Thursday, August 14, 2014

இந்த வார உணர்வில்...[ஆகஸ்ட் 15 - 21, 2014 பதிப்பு]

[ஆகஸ்ட் 15 - 21, 2014 பதிப்பு]

உணர்வு வார பத்திரிக்கை வாங்கி விட்டீர்களா ?


இந்த வார உணர்வில்...

  • பெண்ணின் நிர்வாணப் படத்திற்காக ராணுவ ரகசியங்களை காட்டி கொடுத்த ராணுவ அதிகாரி...
  • கீதையை முதல் வகுப்பு பாடத்திலேயே சேர்த்திருப்பேன் மதவெறியை வெளிப்படுத்திய உச்சநீதிமன்ற நீதிபதியை பதவி நீக்கம் செய்வார்களா?... (உணர்வலைகள்)
  • ஈகை திருநாள் வாழ்த்து சொல்லாத மோடியை விமர்சிக்கும் எதிர்கட்சிகள்...
  • முஸ்லிம் என்பதற்காக தாடி வைத்த ஆண்களையும், புர்கா அணிந்த பெண்களையும் பேருந்தில் பயணம் செய்யத் தடை விதித்த சீனா...

ஏழை சகோதரியின் (காலில் கேன்சர்) மருத்துவ செலவுக்கு உதவிடுவீர் .

ஏழை சகோதரியின் (காலில் கேன்சர்) மருத்துவ செலவுக்கு உதவிடுவீர் .

14 AUG 2014: பண்ருட்டியை சேர்ந்த ஏழை சகோதரி நச்ரீன் தாஜ் , என்ற சகோதரி காலி கேன்சர் புற்றுநோய் இருப்பது (பிரசவத்தின் பொழுது , மருத்துவர்கள் இந்த சகோதரிக்கு காலி கேன்சர் புற்றுநோய் இருப்பது) கண்டறியப்பட்டுள்ளது , தற்பொழுது மூன்று மாத குழந்தையுடன் அடையார் கேன்சர் மருத்துவமனையில் , வார்டு என் பதினொன்றில் அனுமதிக்க பட்டுள்ளார்

நம்மிடம் உதவி நாடி கோரிக்கை வைத்துள்ளார் ,

இந்த ஏழை சகோதரிக்கு பொருளாதார உதவி செய்யுங்கள் ,

உதவி செய்ய விரும்புவோர் ,

பண்ணுருட்டி நகர பொருளாளர் முஹம்மது சலீம் அவர்களை நேரடியாக தொடர்பு கொள்ளலாம், அலைபேசி மூலமாகவும் தொடர்புகொள்ளலாம் : +91 944 30 46 580,

உதவி செய்பவர்கள் மருத்துவ உதவி என்று குறிப்பிட்டு கீழ் கண்ட அக்கௌன்ட் நம்பருக்கு அனுப்பி வையுங்கள் .

ACCOUNT NAME : Tamilnadu Thowheed Jamaath
ACCOUNT NUMBER :31126780464
BANK NAME : STATE BANK OF INDIA , PANRUTI ,
IFSC CODE : SBI0002251

உங்களின் உதவி , இந்த ஏழை சகோதரியின் மருத்துவத்துக்கு பயன்பெறட்டும், தாராளமாக உதவ முன் வாருங்கள் சகோதர சகோதரிகளே .

Wednesday, August 13, 2014

அல்லாஹ் சுபஹானஹுதாலாஹ் கூறம் ஒற்றுமை எது

அல்லாஹ் சுபஹானஹுதாலாஹ்  கூறம் ஒற்றுமை எது


மனித சமுதாயமே) உங்கள் இறைவனிடமிருந்து உங்களுக்கு இறக்கப்பட்டதையே பின்பற்றுங்கள். அவனையன்றி (வேறெவரையும்) பாதுகாவலர் (களாக்கிக் கொண்டு அவர்)களைப் பின்பற்றாதீர்கள்: உங்களில் சிலரே நல்லுணர்வு பெறுகின்றீர்கள். ( 7:3) 

நீங்கள் யாவரும் அல்லாஹ்வின் கயிற்றை வலுவாகப் பற்றிப் பிடித்துக் கொள்ளுங்கள்" நீங்கள் (அதிலிருந்து) பிரிந்து விடவேண்டாம். அல்லாஹ் உங்களுக்கு கொடுத்த அருட்கொடை (நிஃமத்)களை எண்ணிப் பாருங்கள். (3:103)


ஓர் ஊரில் அனைவரும் 

வரதட்சணை வாங்கினால், அல்லது அனைவரும் மது அருந்தினால் , 

அவர்களுடன் சேர்ந்து ஒற்றுமையாக அந்தத் தீமையைச் செய்யுமாறு அல்லாஹ் கூறுவானா?
என்று கூட சிந்திக்க மாடீர்களா?.

உளூவின் சட்டங்கள் பகுதி 4 - தலைப்பாகையின் மேல் மஸஹ் செய்தல்

தலைப்பாகையின் மேல் மஸஹ் செய்தல் 

காலுறையின் மேல் மஸஹ் செய்யும் சலுகை போலவே தலைப்பாகை அணிந்தவர்களும், தலையை மறைக்கும் துணியை தலையின் மேல் போட்டிருக்கும் ஆண்களும் பெண்களும் தலைக்கு மஸஹ் செய்வதற்குப் பதிலாக தலைப்பாகையின் மீதும் தலைத் துணியின் மீதும் மஸஹ் செய்யலாம்.
நபி (ஸல்) அவர்கள் தமது தலைப்பாகையின் மீதும் காலுறைகள் மீதும் மஸஹ் செய்ததை நான் பார்த்துள்ளேன்.  
அறிவிப்பவர்: அம்ரு பின் உமய்யா (ரலி)
நூல்: புகாரீ 205

தலைப்பாகையின் மேல் மஸஹ் செய்வது போல் தலை முக்காட்டின் மீதும் தலையின் மேல் போட்டிருக்கும் துணியின் மீதும் மஸஹ் செய்யலாம் என்பதற்குப் பின்வரும் ஹதீஸ் ஆதாரமாக அமைந்துள்ளது.
நபி (ஸல்) அவர்கள் காலுறைகள் மீதும் தலை முக்காட்டின் மீதும் மஸஹ் செய்தனர். 
அறிவிப்பவர்: பிலால் (ரலி)
நூல்: முஸ்லிம் 413

முக்காடு என்று நாம் தமிழாக்கம் செய்த இடத்தில், கிமார்' என்ற சொல் அரபு மூலத்தில் பயன்படுத்தப்பட்டுள்ளது.

Tuesday, August 12, 2014

உளூவின் சட்டங்கள் பகுதி 3 - காலுறைகள் மீது மஸஹ் செய்தல்

காலுறைகள் மீது மஸஹ் செய்தல்

 உளூச் செய்யும் போது கடைசியாக இரு கால்களையும் கரண்டை வரை கழுவ வேண்டும் என்பதை உரிய ஆதாரங்களுடன் முன்னர் கண்டோம்.
காலுறை அணிந்திருப்பவர்கள் கால்களைக் கழுவாமல் காலுறையின் மேற்பகுதியில் ஈரக் கையால் தடவிக் கொள்ளலாம் என்பது இந்தச் சட்டத்தில் உள்ள விதி விலக்காகும்.
நான் ஒரு பிரயாணத்தில் நபி (ஸல்) அவர்களோடு இருந்தேன். நபி (ஸல்) அவர்கள் (இயற்கைத்) தேவைக்காகச் சென்றார்கள். நான் நபி (ஸல்) அவர்களுக்குத் தண்ணீர் ஊற்றினேன். அதில் நபி (ஸல்) அவர்கள் உளூச் செய்தார்கள். அப்போது முகத்தையும், இரு கைகளையும் கழுவினார்கள். தலைக்கு மஸஹ் செய்தார்கள். இரு காலுறைகள் மீதும் மஸஹ் செய்தார்கள். 
அறிவிப்பவர்: முகீரா (ரலி)
நூல்கள்: புகாரீ 182, முஸ்லிம் 404

பெண்கள் காலுறைகள் மீது மஸஹ் செய்யலாமா? 

Monday, August 11, 2014

உளூவின் சட்டங்கள் பகுதி 2 - உளூ செய்யும் முறை

உளூச் செய்யும் முறை நிய்யத் எனும் எண்ணம்

ஒருவர் எந்த அமலைச் செய்தாலும் அந்த அமலைச் செய்கிறோம் என்ற எண்ணம் அவருக்கு இருக்க வேண்டும். அந்த எண்ணமில்லாமல் வணக்கத்தின் அனைத்துக் காரியங்களையும் ஒருவர் செய்தாலும் அது வணக்கமாக அமையாது.
ஒருவர் சுப்ஹ் முதல் சூரியன் மறையும் வரை உண்ணாமலும் பருகாமலும் குடும்ப வாழ்க்கையில் ஈடுபடாமலும் இருக்கின்றார்; ஆனால் நோன்பு நோற்கும் எண்ணம் அவருக்கு இல்லை; நேரமின்மையின் காரணமாகவோ, மருத்துவர்களின் ஆலோசனைப்படியோ இவ்வாறு இருக்கின்றார் என்றால், நோன்பாளி கடைப்பிடிக்கும் அனைத்தையும் அவர் கடைப்பிடித்த போதும் நோன்பு நோற்கும் எண்ணம் இல்லாததால் அவர் நோன்பு நோற்றவராக மாட்டார்.

Sunday, August 10, 2014

உளூவின் சட்டங்கள் பகுதி 1 - எந்தெந்த நீரில் உளூ செய்யாலாம்

பிஸ்மில்லாஹ் ஹிர்ரஹ்மான் இர்ரஹீம் ,

இன்ஷாஹ் அல்லா , உளூவின் அவசியத்தை முதலில் பார்த்துவிட்டு பிறகு எப்படி பட்ட நீரில் உளூ செய்யலாம் என்பதனை பார்போம்.

தொழுகையை நிறைவேற்றுவதற்கு முன், குறிப்பிட்ட உறுப்புக்களைக் கழுவி, தூய்மைப் படுத்திக் கொள்வது அவசியமாகும். இத்தூய்மை உளூ எனப்படும். உளூ எனும் தூய்மை இல்லாமல் தொழுதால் தொழுகை நிறைவேறாது.

நம்பிக்கை கொண்டோரே! நீங்கள் தொழுகைக்காகத் தயாராகும் போது உங்கள் முகங்களையும், மூட்டுக்கள் வரை உங்கள் கைகளையும், கரண்டை வரை உங்கள் கால்களையும் கழுவிக் கொள்ளுங்கள்! உங்கள் தலைகளை (ஈரக் கையால்) தடவிக் கொள்ளுங்கள்! குளிப்புக் கடமையானோராக நீங்கள் இருந்தால் (குளித்து) தூய்மையாகிக் கொள்ளுங்கள்! நீங்கள் நோயாளிகளாகவோ, பயணிகளாகவோ இருந்தால், அல்லது உங்களில் ஒருவர் கழிப்பறையிலிருந்து வந்தால், அல்லது (உடலுறவின் மூலம்) பெண்களைத் தீண்டினால் தண்ணீர் கிடைக்காத போது தூய்மையான மண்ணைத் தொட்டு அதில் உங்கள் முகங்களையும், கைகளையும் தடவிக் கொள்ளுங்கள்! அல்லாஹ் உங்களுக்கு எந்தச் சிரமத்தையும் ஏற்படுத்த விரும்பவில்லை. மாறாக நீங்கள் நன்றி செலுத்துவதற்காக உங்களைத் தூய்மைப்படுத்தவும், தனது அருளை உங்களுக்கு முழுமைப்படுத்தவுமே விரும்புகிறான். 
அல்குர்ஆன் 5:6

'உளூ நீங்கியவர் உளூச் செய்யாத வரை அவரது தொழுகை ஏற்கப்படாது' என்று நபி (ஸல்) அவர்கள் கூறினார்கள்.
அறிவிப்பவர்: அபூஹுரைரா (ரலி)
நூல்கள்: புகாரீ 135, முஸ்லிம் 330.

தண்ணீர் - எந்தெந்த நீரில் உளூ செய்யாலாம்


உளூச் செய்வதற்குத் தண்ணீர் அவசியம் என்பது அனைவருக்கும் தெரிந்ததே! ஆயினும் உளூ செய்யும் தண்ணீர் குறித்து தவறான நம்பிக்கைகள் சில முஸ்லிம்களிடம் நிலவுகின்றன.

Friday, August 8, 2014

ஆறு நோன்பு - சந்தேகங்களும் விளக்கமும்

ஆறு நோன்பு வைப்பது நபி வழியா?
ரமலான் முடிந்த உடன் தொடர்ந்து தான் வைக்க வேண்டுமா?
ஷவ்வால் மாதத்தில் எப்போது வேண்டுமனாலும் வைக்கலாமா?
ஆறு நோன்பு ஆதாரமற்றதா?



பி. ஜைனுல் ஆபிதீன்
 حَدَّثَنَا يَحْيَى بْنُ أَيُّوبَ وَقُتَيْبَةُ بْنُ سَعِيدٍ وَعَلِيُّ بْنُ حُجْرٍ جَمِيعًا عَنْ إِسْمَعِيلَ قَالَ ابْنُ أَيُّوبَ حَدَّثَنَا إِسْمَعِيلُ بْنُ جَعْفَرٍ أَخْبَرَنِي سَعْدُ بْنُ سَعِيدِ بْنِ قَيْسٍ عَنْ عُمَرَ بْنِ ثَابِتِ بْنِ الْحَارِثِ الْخَزْرَجِيِّ عَنْ أَبِي أَيُّوبَ الْأَنْصَارِيِّ رَضِيَ اللَّهُ عَنْهُ أَنَّهُ حَدَّثَهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ كَانَ كَصِيَامِ الدَّهْرِ و حَدَّثَنَا ابْنُ نُمَيْرٍ حَدَّثَنَا أَبِي حَدَّثَنَا سَعْدُ بْنُ سَعِيدٍ أَخُو يَحْيَى بْنِ سَعِيدٍ أَخْبَرَنَا عُمَرُ بْنُ ثَابِتٍ أَخْبَرَنَا أَبُو أَيُّوبَ الْأَنْصَارِيُّ رَضِيَ اللَّهُ عَنْهُ قَالَ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ بِمِثْلِهِ و حَدَّثَنَاه أَبُو بَكْرِ بْنُ أَبِي شَيْبَةَ حَدَّثَنَا عَبْدُ اللَّهِ بْنُ الْمُبَارَكِ عَنْ سَعْدِ بْنِ سَعِيدٍ قَالَ سَمِعْتُ عُمَرَ بْنَ ثَابِتٍ قَالَ سَمِعْتُ أَبَا أَيُّوبَ رَضِيَ اللَّهُ عَنْهُ يَقُولُ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِمِثْلِهِ

Thursday, August 7, 2014

பெண்களை பள்ளிக்கு நபி(ஸல்) அனுமதித்தார்கள்

நபி அவர்கள் கூறினார்கள்: (தொழுகையில் இமாம் தவறு செய்தால் தவறைச் சுட்டிக்காட்டுவதற்கு) தஸ்பீஹ் கூறுவது ஆண்களுக்கும், கை தட்டுதல் பெண்களுக்கும் உரியதாகும். அறிவிப்பவர்: அபூஹுரைரா(ரலி) நூல்:புகாரி
உமர்(ரலி) அவர்களின் மனைவி (ஆதிகா) சுபுஹ் தொழுகைக்கும், இஷா தொழுகைக்கும் மஸ்ஜிதுக்கு வந்து ஜமாஅத்திலே கலந்துக் கொள்ளக் கூடியவர்களாக இருந்தார்கள். அப்போது அவர்களிடம் (உங்கள் கணவர்) உமர் அவர்கள் இதை விரும்பமாட்டார். இன்னும் ரோஷப்படுவார் என்று அறிந்திருந்தும் எதற்காக நீங்கள் வெளியேறி (மஸ்ஜிதுக்கு) வருகிறீர்கள் என்று கேட்கப்பட்டது. அப்போது அவர்கள் (இதுவரை என்னை அவர் தடுக்கவில்லையே) என்னை மஸ்ஜிதுக்கு வராமல் தடுப்பதை விட்டும் அவரை எது தடுத்தது என்று வினவினார்கள். அதற்கு (அவர்களின் மகன் அப்துல்லாஹ்) இப்னு உமர் அவர்கள் அல்லாஹ்வினுடைய பெண் அடிமைகளை அல்லாஹ்வின் மஸ்ஜிதை விட்டும் தடுக்காதீர்கள் என்ற நபியின் சொல்தான் அவர்களை தடுத்துள்ளது என்று கூறினார்கள். அறிவிப்பவர்: இப்னு உமர் (ரலி) நூல்: புகாரி