News

வாங்கிப் படியுங்கள்... பரப்புங்கள்.........உணர்வு - ..ஏகத்துவம் - .........தீன் குலப் பெண்மணி - ............நமது பள்ளியில் கிடைக்கும் ...........மாத சந்தா செலுத்தியும் பெற்றுகொள்ளலாம்

Tuesday, January 23, 2018

அவசர அறிக்கை



அவசர அறிக்கை
அன்புள்ள மாவட்ட நிர்வாகிகளுக்கு...
தமிழக அரசு வரலாறு காணாத அளவிற்கு பஸ் கட்டணத்தை உயர்த்தியுள்ளது. இதைக் கண்டித்து கிளை மாவட்டங்களுக்கு சக்தி இருந்தால் இந்த போஸ்டரை அடிக்க அனுமதி வழங்கப்படுகிறது.
போஸ்டர் வாசகம்
No automatic alt text available.
தமிழக அரசே
ஏழைகளின் வயிற்றில் அடிக்கும்
பஸ் கட்டண உயர்வை
உடனே திரும்பப் பெறு
இவண்
தமிழ்நாடு தவ்ஹீத் ஜமாஅத்
இப்படிக்கு
தமிழ்நாடு தவ்ஹீத் ஜமாஅத்திற்காக
பொதுச் செயலாளர்
எம்.எஸ். சையது இப்ராஹீம்

https://www.facebook.com/ThouheedJamath/photos/a.340617859290568.86761.338454826173538/1814325125253160/?type=3&theater

இந்த வார உணர்வு (26.01.18 - 01.02.18)

இந்த வார  உணர்வு இதழில்
(26.01.18 - 01.02.18)


No automatic alt text available.





Tuesday, January 16, 2018

இந்திய அரசு ஹாஜிகளுக்குப் பிச்சை போட வேண்டிய அவசியம் இல்லை

இந்திய அரசு ஹாஜிகளுக்குப் பிச்சை போட வேண்டிய அவசியம் இல்லை:
- ஹஜ் மானியம் ரத்து குறித்து மத்திய அரசிற்கு தவ்ஹீத் ஜமாஅத் கடும் கண்டனம்!

முஸ்லிம்களின் ஹஜ் யாத்திரைக்கான மானியம் ரத்துசெய்யப்படுவதாக மத்திய அரசு அறிவித்துள்ளது. ஹஜ் யாத்திரைக்கான கொள்கைகளை வடிவமைப்பதற்கு, சென்ற ஆண்டு அக்டோபர் மாதம் குழு ஒன்று அமைக்கப்பட்டது. அந்தக் குழுவின் பரிந்துரையின் பேரில், சிறுபான்மை நலத்துறை அமைச்சர் ஹஜ் மானியம் ரத்துசெய்யப்படுவதற்கான அறிவிப்பை வெளியிட்டுள்ளதாக செய்திகள் தெரிவிக்கின்றன.
ஹஜ் பயணம் செல்வோருக்கு மத்திய அரசு ஒரு பைசா கூட மானியமாக வழங்குவதில்லை. மாறாக ஒவ்வொரு ஹஜ் பயணியிடமிருந்தும் பல்லாயிரம் ரூபாய்களை மத்திய அரசு சுரண்டி கொள்ளையடிக்கின்றது என்பதே உண்மையாகும்.
சவூதி அரசாங்கம் இந்திய முஸ்லிம்களில் எத்தனை பேருக்கு விசா வழங்க ஒப்பந்தம் செய்துள்ளதோ, அதில் எழுபது சதவிகிதம் பேரை ஹஜ் கமிட்டி மூலம் மத்திய அரசு அனுப்பி வைக்கிறது. மீதி முப்பது சதவிகிதம் பயணிகள் அரசின் அங்கீகாரம் பெற்ற தனியார் சுற்றுலா நிறுவனங்களுக்கு ஒதுக்கப்படுகிறது.
ஹஜ் கமிட்டி மூலம் ஹஜ் பயணம் செய்வோர் அதற்கான கட்டணமாக 1.80,000 (ஒரு லட்சத்து என்பதாயிரம்) ரூபாய்கள் கட்டணமாகச் செலுத்த வேண்டும்.
சவூதியில் இறங்கியது முதல் திரும்பும்வரை ஏற்படும் உணவு உள்ளிட்ட ஹாஜிகளின் செலவுகளுக்காக 34 ஆயிரத்தை ஜித்தாவில் இறங்கிய உடன் ஹாஜிகளின் கையில் தருவார்கள்.
இதைக் கழித்தால் ஹாஜிகள் செலுத்தும் தொகை 1,46,000 (ஒரு லட்சத்து நாற்பத்து ஆறாயிரம்) ரூபாய்கள்.
விமானத்திற்கான அதிகபட்சக் கட்டணம் : 25,000
மக்காவில் தங்கும் வாடகை : 50,000
மதீனாவில் தங்கும் கட்டணம் : 20,000
மக்காவில் ஹஜ் வழிகாட்டி கட்டணம், வாகனங்களில் பல இடங்களுக்கும் அழைத்துச் செல்லுதல் கட்டணம் வகைக்காக 25.000
ஆக ஹஜ் பயணிகளுக்கு ஹஜ் கமிட்டி மூலம் செலவிடும் தொகை 1,20,000 ரூபாய்கள்தான் ஆகிறது.
அதாவது ஒவ்வொரு ஹஜ் பயணியிடமிருந்தும் மத்திய அரசு அடிக்கும் கொள்ளை சுமார் 25 ஆயிரம் ரூபாய்கள். இது தவிர விமானக் கட்டணத்தின் மூலம் கிடைக்கும் லாபம் வேறு உள்ளது.
இதில் அரசாங்கத்தின் மானியத்துக்கு எந்த வேலையும் இல்லை.
ஹஜ் பயணத்துக்கான அனுமதியை வழங்கிவிட்டு அரசாங்கம் ஒதுங்கிக் கொண்டால் ஒவ்வொரு ஹஜ் பயணிக்கும் 25 முதல் முப்பதாயிரம் ரூபாய்கள் மிச்சமாகும்.
அப்படியானால் மானியம் என்ற பிரச்சனை எப்படி வருகின்றது?
ஹஜ் கமிட்டி மூலம் பயணம் செய்பவர்கள் இந்திய அரசுக்குச் சொந்தமான ஏர் இந்தியா, சவூதி அரசுக்குச் சொந்தமான சவூதி ஏர்லைன்ஸ் ஆகிய இரு விமானங்களில் மட்டும் தான் பயணிக்க வேண்டும் என்று சட்டம் இயற்றி வைத்துள்ளார்கள். ஏர் இந்தியாவிடம் போதிய விமானம் இல்லாவிட்டால் பிற நாட்டு விமானங்களை அடிமாட்டு கட்டணத்துக்கு ஏர் இந்தியா வாடகைக்கு எடுக்கும். அதை ஏர் இந்தியா பெயரில் இயக்கும். அதில் தான் பயணிக்க வேண்டும்.
ஹஜ் நேரத்தில் விமானக் கட்டணத்தை 25 ஆயிரத்தில் இருந்து ஒரு லட்சமாக உயர்த்துவார்கள். இந்தக் காலகட்டத்தில் மற்ற விமானங்களில் 20 ஆயிரமே கட்டணமாக இருக்கும். ஆனால் ஹஜ் கமிட்டி மூலம் தேர்வானவர்கள் அந்த விமானங்களில் பயணிக்க அனுமதி இல்லை.
அதாவது விமானக் கட்டணம் 25 ஆயிரத்தை ஒரு லட்சமாக உயர்த்துவதால் நம்மிடம் வாங்கிய தொகையில் மீதமிருந்த 25 ஆயிரத்தையும் எடுத்துக் கொண்டு ஒவ்வொரு ஹஜ் பயணிக்காகவும் ஏர் இந்தியாவுக்கு (அதாவது தனக்குத்தானே) அரசு ஐம்பதாயிரம் ரூபாய்களை மானியம் என்ற பெயரில் வழங்கும். ஹாஜிகளுக்கு வழங்காது.
மானியம் என்பது ஹஜ் பயணிகளுக்கு அல்ல. இந்திய அரசின் விமான நிறுவனத்துக்குத்தான். அதைத்தான் ஹஜ் மானியத்துக்கு இந்திய அரசு கோடிக்கணக்கில் செலவிடுவதாக பொய்ப் பிரச்சாரம் செய்து முஸ்லிம்களையும், முஸ்லிமல்லாத மக்களையும் ஒரே நேரத்தில் மூடர்களாக்கி வருகிறார்கள்.
ஏர் இந்தியாவின் வருமானத்தைப் பெருக்க ஒவ்வொரு ஹாஜியிடம் இருந்தும் கூடுதலாக இருபத்தி ஐந்தாயிரம் ரூபாய்களை ஏமாற்றிப் பறித்துக் கொண்டு மானியம் வழங்குவதாகக் கூறுவது பச்சை அயோக்கியத்தனமாகும். மேலும் ஹஜ் பயணிகளில் பாதிப் பேர் ஏர் இந்தியா மூலம் பயணம் செய்தால் மீதிப் பேர் சவூதி ஏர் லைன்ஸ் மூலம் பயணிக்கிறார்கள். பாதி மானியத்தை சவூதி ஏர் லைன்ஸுக்கு வழங்க வேண்டுமல்லவா? அப்படி வழங்குவதில்லை. செய்யாத பயணத்துக்கான பொய்யான அந்த மானியத்தையும் ஏர் இந்தியாவே அதாவது இந்திய அரசே எடுத்துக் கொள்கிறது.
புனிதப் பயணம் மேற்கொள்ளும் மக்களிடம் இப்படி கொள்ளையடிக்கும் நாடுகள் உலகில் எங்குமே இருக்காது. கொள்ளையும் அடித்து விட்டு மானியம் அளிப்பதாகக் கூறும் நாடுகளும் உலகில் இருக்காது.
அனைத்து மக்களுக்குமான வரிப்பணத்தில் இருந்து இந்திய அரசு ஹாஜிகளுக்குப் பிச்சை போட வேண்டிய அவசியம் இல்லை. அது தேவையும் இல்லை என்பதை இதிலிருந்தே அறியலாம். இந்தக் கேடுகெட்ட மானியத்தை முஸ்லிம்கள் கேட்கவும் இல்லை. எனவே இந்தப் போலி ஹஜ் மானியத்தை ஒழித்துக் கட்டினால் அது முஸ்லிம்களுக்கு நன்மைதான்.
ஏர் இந்தியாவில்தான் பயணிக்க வேண்டும் என்ற கொள்ளை அடிக்கும் கொள்கையைக் கைவிட்டு, ஹாஜிகள் தமக்கு விருப்பமான எந்த விமான சேவையையும் பயன்படுத்திக் கொள்ளலாம் என்று முடிவு செய்து விட்டு மானியத்தை நிறுத்தட்டும். அப்படிச் செய்தால் முஸ்லிம்கள் அதைப் பெரிதும் வரவேற்பார்கள்.
டிரான்சிட் முறையில் பயணித்தால் 15 ஆயிரம் கட்டணத்தில் ஜித்தா போக முடியும். பல மாதங்களுக்கு முன்பே டிக்கெட் முன்பதிவு செய்தால் இன்னும் குறைந்த கட்டணத்தில் புனிதப் பயணம் செய்து ஒவ்வொரு ஹாஜியும் முப்பதாயிரத்துக்கு மேல் மிச்சப்படுத்த முடியும்.
போலி ஹஜ் மானியம் ஒழிக்கப்படுவதோடு ஹாஜிகளின் பணத்தைக் கொல்லைப் புறமாக மத்திய அரசு சுரண்டுவதை தமிழ்நாடு தவ்ஹீத் ஜமாஅத் வன்மையாகக் கண்டிக்கின்றது.
இப்படிக்கு,
தமிழ்நாடு தவ்ஹீத் ஜமாஅத்திற்காக,
பொதுச் செயலாளர்
எம்.எஸ்.சையது இப்ராஹீம்

Source : https://www.facebook.com/ThouheedJamath/posts/1806226829396323

Friday, January 12, 2018

TNTJ கொள்கை சொந்தங்களுக்கு அன்பான வேண்டுகோள்!

TNTJ கொள்கை சொந்தங்களுக்கு அன்பான வேண்டுகோள்!

1) Facebook, WhatsApp, Twitter போன்ற சமூக வலைதளங்களில் தனது உண்மை முகத்தை மறைத்து பெயர், ஊர், முகவரி, கைபேசி எண் இல்லாமல் கோழைத்தனமாக  "FAKE ID" யில் யாரேனும் நம் ஜமாஅத்தை [ TNTJயை ] எவ்வளவு கொச்சைப்படுத்தி எழுதினாலும் வாட்ஸ்அப் பில் எவ்வளவு தரம் தாழ்ந்து பேசினாலும் அங்கு சென்று எந்த COMMENTS ஸூம் செய்யாதீர்கள்!

2) அங்கு நீங்கள் சென்றால் முதலில் உங்களை விமர்சிக்க தொடங்கி பிறகு உங்கள் குடும்பத்தினரை தரக்குறைவாக விமர்சிப்பார்கள். பதிலுக்கு நீங்களும் கோபத்தில் அவர்களது குடும்பத்தை விமர்சிப்பீர்கள்.

3) உடனே நீங்கள் பேசியதை மட்டும் "SCREEN SHOT" எடுத்து பாருங்கள் "தவ்ஹீத் ஜமாஅத்தின்" லட்சணத்தை என்று FACEBOOK, What'sapp போன்ற வலைதளங்கள் முழுவதும் பரப்புவார்கள்.

4) இதனால் உங்களுடைய கண்ணியம் மட்டுமின்றி நம் "தவ்ஹீத் ஜமாஅத்தின்" கண்ணியமும் பாதிக்கப்படும்.

5) நம் ஜமாஅத்தில் 30 ஆண்டுகளாக மாநில நிர்வாகிகள், மாவட்ட நிர்வாகிகள், கிளை நிர்வாகிகள், லட்சக்கணக்கான தொண்டர்கள் தங்களது உழைப்பையும், தியாகத்தையும், பொருளாதாரத்தையும் களத்தில் செலவிட்டு வருவது தவ்ஹீதை சொல்வதற்காக

6) ஈடு இணையில்லா அந்த தியாகத்தை FACEBOOK, What'sapp, twitter ல் உங்களுடைய ஒரு COMMENT டினால் சீர்குலைத்து விடாதீர்கள்.

7) ஏகத்துவத்தின் வளர்ச்சியை பொறுக்க முடியாத ஏகத்துவ எதிரிகள் பித்து பிடித்தாற்போல் "தவ்ஹீத் ஜமாஅத்திற்கு" எதிராக பலவிதமான அவதூறுகளை பரப்பி வருகின்றனர். அவர்களின் சூழ்ச்சிகளுக்கு ஆளாகி விடாதீர்கள்.

8) நம் ஜமாஅத் செய்யக்கூடிய இரத்ததான முகாம்கள், மருத்துவ முகாம்கள், ஆம்புலன்ஸ் சேவைகள், அநாதை சிறுவர் ஆதரவு இல்லம், முதியோர் இல்லம், வெள்ள நிவாரண பணிகள், புயல் நிவாரண பணிகள் என்று நம் ஜமாஅத் சார்பில் எண்ணற்ற பணிகள் தினம் தினம் நடத்தப்பட்டு வருகிறது. அதைப்பற்றி சமூக வலைத்தளங்களில் பதிவிடுங்கள்.

அதை காணக்கூடியவர்கள் தவ்ஹீதை சிந்திப்பதற்கு ஏதுவாக அமையும். பிறமத சகோதரர்கள் இஸ்லாத்தை காதலிப்பதற்கு உந்து சக்தியாக அமையும்.

சமூக வலைத்தளத்தை புத்திசாலித்தனத்துடனும், விழிப்புடனும், முன்எச்சரிக்கையுடனும் , கண்ணியம்தவறாமலும், சமூகத்திற்கு பயனுள்ள வகையிலும் அமைத்துக் கொள்ளுங்கள்.

சமூக வலைதளத்தின் மூலம் அறிவீனர்கள் நம் ஏகத்துவ சொந்தங்களை வீண்வம்பிற்கு அழைத்தால் கீழ்காணும் அல்லாஹ்வின் அறிவுரைகளை கடைபிடியுங்கள்:

خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ

பெருந்தன்மையை மேற்கொள்வீராக! நன்மையை ஏவுவீராக! அறிவீனர்களை அலட்சியம் செய்வீராக!

திருக்குர்ஆன்  7:199

وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا وَإِذَا خَاطَبَهُمُ الْجَاهِلُونَ قَالُوا سَلَامًا

அளவற்ற அருளாளனின் அடியார்கள் பூமியில் பணிவாக நடப்பார்கள். தம்முடன் அறிவீனர்கள் உரையாடும் போது ஸலாம் கூறி விடுவார்கள்.

திருக்குர்ஆன்  25:63

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلَامٌ عَلَيْكُمْ لَا نَبْتَغِي الْجَاهِلِينَ

வீணானவற்றை அவர்கள் செவியுறும் போது அதை அலட்சியம் செய்கின்றனர். "எங்கள் செயல்கள் எங்களுக்கு. உங்கள் செயல்கள் உங்களுக்கு. உங்கள் மீது ஸலாம் உண்டாகட்டும். அறிவீனர்களை விரும்ப மாட்டோம்'' எனவும் கூறுகின்றனர்.
திருக்குர்ஆன்  28:55

மேலும்:

கொள்கை சொந்தங்களுக்கு முகவரி இல்லா கோழைகள் "குடைசல்" கொடுத்தால் கீழ்காணும் நபிகளாரின் போதனையை நினைவில் நிறுத்துங்கள்:

இந்தச் சமுதாயத்தில் ஒருசாரார் அல்லாஹ்வின் கட்டளையைப் பேணுவதில் நிலைத்தே இருப்பார்கள். மறுமை நாள் வரும் வரை அவர்களுக்கு மாறு செய்பவர்களால் எந்தத் தீங்கும் செய்து விட முடியாது'

இறைத்தூதர்(ஸல்) அவர்கள் கூறினார்கள்: என முஆவியா(ரலி) தம் சொற்பொழிவில் குறிப்பிட்டார்கள்.

ஸஹீஹ் புகாரி அத்தியாயம் : 3.

கல்வியின் சிறப்பு

கொள்கை சொந்தங்களுக்கு அல்லாஹ் வின் ஆறுதல் வார்த்தைகள்:

*وَلَا تَهِنُوْا وَ لَا تَحْزَنُوْا وَاَنْتُمُ الْاَعْلَوْنَ اِنْ كُنْتُمْ مُّؤْمِنِيْ

நீங்கள் மனந்தளர்ந்து விடாதீர்கள்; கவலையும் கொள்ளாதீர்கள். நீங்கள் இறைநம்பிக்கையுடையோராயின், நீங்களே மேலோங்குவீர்கள்.

அல்குர்ஆன் : 3:139

*وَلْتَكُنْ مِّنْكُمْ اُمَّةٌ يَّدْعُوْنَ اِلَى الْخَيْرِ وَيَاْمُرُوْنَ بِالْمَعْرُوْفِ وَيَنْهَوْنَ عَنِ الْمُنْكَرِ‌ وَاُولٰٓٮِٕكَ هُمُ الْمُفْلِحُو*
َ‏ 
நன்மையின் பக்கம் அழைக்கக்கூடிய ஒரு குழுவினர் உங்களிடையே கண்டிப்பாக இருந்திட வேண்டும். அவர்களோ நல்லவை புரியும்படி ஏவவேண்டும்; தீயவற்றிலிருந்து தடுத்தவண்ணம் இருக்கவேண்டும்.ni எவர்கள் இப்பணியை புரிகிறார்களோ உண்மையில் அவர்களே வெற்றியாளர் ஆவர்.

அல்குர்ஆன் : 3:104

Wednesday, January 3, 2018

இந்த வார உணர்வு - 22-20



இந்த வார உணர்வு (05.01.18 - 11.01.18) இதழில்... (குரல் 22 : 20)